پیپلز پارٹی کی رہنما شازیہ مری نے کہا ہے کہ بھارت سکیورٹی غفلت چھپانے کیلئے پاکستان پر الزام لگا رہا ہے۔
انہوں نے کہا کہ پاکستان کے خلاف بھارت میں منفی پروپیگنڈا کیا جا رہا ہے، شازیہ مری نے کہا کہ بھارتی عوام پر ترس آ رہا ہے ان کو کیا سکھایا اورکیا بتایا جا رہا ہے۔
ان کا کہنا تھا کہ بھارتی فورسز نے مقبوضہ جموں و کشمیر میں ظلم کا بازار گرم کر رکھا ہے، مقبوضہ کشمیر میں بھارتی فورسز کے ظلم کے ردعمل میں ان پر پتھراؤ ہوتاہے، مودی سرکار مقبوضہ کشمیر میں 7 لاکھ فوج کی سکیورٹی پر کوئی بات نہیں کر رہی۔
انہوں نے کہا کہ دہشت گرد پہلگام تک پہنچ گئے، کیا بھارتی سکیورٹی فورسز چنے کھا رہی تھیں؟بلاول بھٹونے بحیثیت وزیر خارجہ بھارت جا کر ثابت کیا کہ ہم امن چاہتے ہیں، بھارت کو غلط فہمی نہیں ہونی چاہیے، ہم جارحیت کا جواب جارحیت سے دیں گے۔
