اسٹیو اسمتھ نے ویرات کوہلی کا ملک سے باہر سب سے زیادہ سنچریاں بنانے کا ریکارڈ توڑ دیا۔
آسٹریلوی بیٹر نے یہ ریکارڈ گزشتہ روز سری لنکا کے خلاف ٹیسٹ میچ میں توڑا، انہوں نے نہ صرف اپنے کیرئیر کے دس ہزار رنز مکمل کئے بلکہ انہوں نے سنچری بھی بنائی۔
یہ سنچری ان کے ٹیسٹ کیرئیر کی 35 ویں سنچری تھی جبکہ ملک سے باہر بنائی جانے والی 17 سنچری تھی، اس سنچری کے ساتھ ہی انہوں نے ویرات کوہلی کو پیچھے چھوڑ دیا۔
بھارت کے ویرات کوہلی نے دوسرے ممالک میں 16 ٹیسٹ سنچریاں بنا رکھی ہیں، اس طرح آسٹریلوی بیٹر ان سے آگے نکل گئے ہیں۔
