ویسٹ انڈیز کے فاسٹ بائولر الزاری جوزف کو ڈسپلن کی خلاف ورزی مہنگی پڑ گئی ، کرکٹ ویسٹ انڈیز نے 2 میچوں کیلئے معطل کر دیا۔
الزاری جوزف کو انگلینڈ کے خلاف تیسرے ون ڈے میچ میں آن فیلڈ ڈسپلن کی خلاف ورزی پر معطل کیا گیا ، الزاری جوزف کپتان کے فیلڈ سیٹ کرنے پر احتجاج کرکے فیلڈ سے باہر چلے گئے تھے۔
کرکٹ ویسٹ انڈیز کے مطابق پروفیشنل ازم اور انٹیگریٹی کے اعلیٰ معیار کو برقرار رکھنے کے لیے فیصلہ کیا گیا ، دوسری جانب الزاری جوزف نے واقعے پر معافی مانگتے ہوئے افسوس کا اظہار کیا ہے۔
واضح رہے کہ ویسٹ انڈین کوچ ڈیرن سیمی نے میچ کے بعد پریس کانفرس میں فاسٹ بائولر کے رویے پر ناراضگی کا اظہار کرتے ہوئے اِسے “ناقابل قبول” قرار دیا تھا۔
