ایک ماہ کیلئے بجلی کی قیمت میں 70 پیسے فی یونٹ کمی کا امکان ہے، صارفین کو ماہ ستمبر کے بجلی بلوں میں یہ رعایت دی جائے گی۔
نیپرا اتھارٹی سی پی پی اے کی درخواست پر آج سماعت کرے گی، چیئرمین نیپرا وسیم مختار اتھارٹی ممبران کے ہمراہ درخواست پر عوامی سماعت کریں گے۔
حکام کے مطابق سی پی پی اے نے ستمبر کی ماہانہ فیول ایڈجسٹمنٹ کی مد میں درخواست جمع کرا رکھی ہے، بجلی کی قیمت میں کمی کا فیصلہ نیپرا اتھارٹی سماعت کے بعد جاری کرے گی۔
بجلی صارفین کو نومبر کے بلوں میں کمی کا ریلیف ملے گا، درخواست میں موقف اختیار کیا گیا کہ ستمبر میں پانی سے بجلی کی پیداوار 30.75 فیصد رہی،مقامی کوئلے سے ایک ماہ میں بجلی کی پیداوار 10.10 فیصد رہی جبکہ ستمبر میں درآمدی کوئلے سے 9.20 فیصد بجلی پیدا ہوئی۔
