سابق وفاقی وزیر اسد عمر نے کہا ہے کہ صدر آصف زرداری سے ملاقات کی نہ ہی پیپلز پارٹی میں شمولیت اختیار کی۔
انسداد دہشتگردی عدالت لاہور کے باہر میڈیا سے گفتگو کرتے ہوئے اسد عمر نے کہا کہ میرے بارے میں غلط خبریں چلائی جا رہی ہیں کہ میں نے پیپلز پارٹی جوائن کر لی ہے۔
انہوں نے کہا ہے کہ میں لاہور میں ہوں اور دوسری پارٹی میں جانے کا سوچ بھی نہیں سکتا، فواد چودھری بہت گولہ باری کر رہے ہیں، وہ سیاستدان ہیں تھوڑا کول رہیں اور ہاتھ ہلکا رکھیں۔
