تحریک انصاف کے وائس چیئرمین اور سابق وزیر خارجہ شاہ محمود قریشی کو راولپنڈی اڈیالہ جیل سے لاہور منتقل کردیا گیا۔
اڈیالہ جیل ذرائع کے مطابق شاہ محمود قریشی کو علی الصبح اڈیالہ جیل سے سخت سیکورٹی میں لاہور کے لیے روانہ کیا گیا۔ شاہ محمود قریشی کو انسدادِ دہشتگردی عدالت (اے ٹی سی) میں پیشی کے لیے لاہور منتقل کیا گیا ہے۔
ذرائع کا کہنا ہے کہ اے ٹی سی پیشی کے بعد شاہ محمود قریشی کو واپس اڈیالہ جیل منتقل کیا جائے گا۔
خیال رہے کہ وائس چیئرمین پی ٹی آئی کے خلاف لاہور میں 9 مئی سے متعلق مقدمات زیرِ سماعت ہیں۔
