بھارت کے نوجوان بیٹر تلک ورما نے ٹی ٹوئنٹی انٹرنیشنلز میں منفرد ورلڈ ریکارڈ بنا ڈالا۔
گزشتہ روز انگلینڈ کے خلاف چنئی میں کھیلے دوسرے ٹی ٹوئنٹی میچ میں بھارت نے انگلینڈ کو شکست سنا دی۔
نوجوان بیٹر تلک ورما کی شاندار کارکردگی کی وجہ سے بھارت نے 166 رنز کا ہدف آخری اوور میں حاصل کیا، تک ورما نے 55 گیندوں پر 72 رنز بنائے اور وہ ناٹ آؤٹ رہے۔
پانچ ٹی ٹوئنٹی میچوں کی سیریز میں بھارت کو انگلینڈ پر دو صفر کی برتری حاصل ہو گئی ہے، بھارتی بیٹر تلک ورما ٹی ٹوئنٹی انٹرنیشنلز میں زیادہ سے زیادہ اننگز میں بغیر آؤٹ ہوئے سب سے زیادہ رنز بنانے والے کھلاڑی بن گئے۔
بھارتی بیٹر نے گزشتہ 4 اننگز میں آؤٹ ہوئے بغیر مجموعی طور پر 318 رنز بنائے جس میں انہوں نے دو سنچریاں بھی بنائیں۔انہوں نے آخری چار اننگز میں 72، 19، 120، 107 رنز بغیر آؤٹ ہوئے بنائے ہیں۔
