انگلش کاؤنٹی کرکٹ کلب ووسٹرشائر کے نوجوان باؤلر اور اسامہ میر کے ساتھی کرکٹر جوش بیکر 20 سال کی عمر میں انتقال کرگئے۔
اسپورٹس سے متعلق خبریں شائع کرنے والی ویب سائٹ کرک انفو کے مطابق 20 سالہ اسپِن باؤلر جوش بیکر چل بسے، انکی موت کی وجہ اب تک معلوم نہیں ہوسکی ہے۔جوش بیکر نے اپنے آخری میچ میں سمرسٹ کے خلاف تین وکٹیں حاصل کی تھیں۔
رواں سیزن کے دوران جوش بیکر نے دو سیکنڈ الیون میچز کھیلے تھے۔ ووسٹرشائر کاؤنٹی کے چیف ایگزیکٹو ایشلے جائلز کا اس حوالے سے کہنا ہے کہ جوش بیکر کی وفات ہم سب کو افسردہ کرگئی ہے۔
ووسٹرشائر سے کھیلنے والے پاکستانی کرکٹر اُسامہ میر نے بھی سوشل میڈیا پر اظہار تعزیت کی۔ انہوں نے لکھا کہ جوش بیکر کی وفات سے دکھ اور دھچکا لگا ہے، وہ ایک اچھا انسان اور شاندار کرکٹر تھا۔
Worcestershire County Cricket Club is heartbroken to announce the untimely passing of Josh Baker, who was aged only 20 years old.
The love and prayers of everyone at the Club go out to Josh’s family and friends at this time.
➡️ https://t.co/p5C9G0apV0 pic.twitter.com/DNNOnG4Gy7
— Worcestershire CCC (@WorcsCCC) May 2, 2024
نوجوان کرکٹر جوش بیکر کی وفات پر دیگر کاؤنٹیز نے بھی تعزیت کا اظہار کیا۔ جوش بیکر کے آخری میچ میں باؤلنگ کرتے ہوئے ویڈیو بھی سوشل میڈیا پر وائرل ہے۔
🌀 Josh Baker has three wickets for the seconds today in their match against Somerset.
Follow ➡️ https://t.co/NEBX7AV4EM pic.twitter.com/zGWvxxzDjW
— Worcestershire CCC (@WorcsCCC) May 1, 2024
خیال رہے کہ جوش بیکر نے 2021 میں فرسٹ کلا س ڈیبیو کیا تھا جس کے بعد سے اُنہوں نے تمام فارمیٹس میں مجموعی طور پر47 میچز کھیلے۔
