بھارتی چیف جسٹس ڈی وائی چندرچوڑ 10 نومبر کوعہدے سے ریٹائر ہو رہے ہیں اس سے قبل انہوں نے اپنی قوم کو ایک تحفے سے نوازا ہے۔
بھارتی سپریم کورٹ میں وار روم نامی ایک جدید ٹیکنالوجی سے بھرا کمرہ تعمیر کیا گیا ہے،بھارتی میڈیا کے مطابق انڈین سپریم کورٹ کے وار روم کا دورہ کیا گیا، یہ وہ مرکز ہے جہاں انفارمیشن ٹیکنالوجی کی ٹیم انتھک محنت سے فرائض انجام دیتی ہے تاکہ اعلی عدلیہ کے روز بہ روز کاموں کو مانیٹر کیا جا سکے۔
انڈیا ٹوڈے کے مطابق بھارتی چیف جسٹس ڈی وائی چندرچوڑ کی نگرانی میں یہ جدید ٹیکنالوجی سے لیس مرکز کام کر رہا ہے۔ وار روم نامی یہ کمرہ اس لیے بنایا گیا ہے کہ تاکہ عدالت کی روزمرہ کی کارروائیوں کو آسانی سے اورموثر طریقے سے کنٹرول کیا جا سکے۔
سپریم کورٹ کے وار روم میں صبح 8 بجے سے کام کا آغاز کر دیا جاتا ہے، کمرے کے ایک حصے میں نگرانی کے لیے ایک بڑی ویڈیو وال موجود ہے، جب کہ دوسری جانب اہلکاروں کی ایک ٹیم ہے جن کے لئے ورک اسٹیشن قائم کیے گئے ہیں جو عدالت کی روزمرہ کی سرگرمیوں کا انتظام اور نگرانی کرتے ہیں۔
