پشاور میں میٹرک سپلیمنٹری امتحانات دوم 2026 کے 7 سے 10 اکتوبر تک ہونے والے پرچے پی ٹی آئی کے لانگ مارچ کے باعث ملتوی کر دیئے گئے۔
پشاور تعلیمی بورڈ کے ترجمان کے مطابق اورینٹل لینگویجز امتحانات 2026 کے تحت 7، 8، 9 اور 10 اکتوبر کو ہونے والے تمام پرچے صوبے میں موجودہ سیاسی صورتحال کے پیش نظر ملتوی کر دیئے گئے ہیں۔ ملتوی کیے گئے پرچوں کی نئی تاریخوں کا اعلان بعد میں کیا جائے گا۔
پشاور بورڈ کے کنٹرولر امتحانات کے مطابق 10 اکتوبر کے بعد شیڈول پرچے اپنے مقررہ وقت اور پہلے سے جاری کردہ ڈیٹ شیٹ کے مطابق ہی ہوں گے، ان میں فی الحال کوئی تبدیلی نہیں کی گئی۔
کنٹرولر پشاور بورڈ کے مطابق امیدوار میٹرک کے سالانہ امتحانات دوم کی نئی ڈیٹ شیٹ پشاور بورڈ کی ویب سائٹ پر چیک کر سکیں گے۔
