پیٹرولیم قیمتوں میں اضافے کے بعد مسافر ٹرینوں کے کرایے بھی بڑھ گئے، پاکستان ریلوے نے کرایوں میں اضافے کا اعلان کر دیا۔
پاکستان ریلوے نے مسافر ٹرینوں کے کرایوں میں ایک فیصد اضافے کا نوٹیفکیشن جاری کر دیا ہے۔
نوٹیفکیشن کے مطابق کرایوں میں اضافے کا اطلاق 19 جولائی سے ہو گا، تمام مسافر ٹرینوں کی اکانومی، اے سی اسٹینڈرڈ، اے سی بزنس، اے سی پارلر، اے سی سلیپر کلاسز کے کرایوں میں ایک فیصد اضافہ کیا گیا ہے۔
نوٹیفکیشن کے مطابق میل، ایکسپریس اور انٹرسٹی مسافر ٹرینوں کے کرایوں میں اضافہ کیا گیا ہے جبکہ کرایوں میں اضافے کا اطلاق پبلک پرائیویٹ پارٹنرشپ کے تحت چلنے والی تمام ٹرینوں پر بھی ہوگا۔
