پاکستان تحریک انصاف کے ارکان اسمبلی نے بانی پی ٹی آئی عمران خان کی رہائی کے لیے پارلیمنٹ ہائوس کے باہر احتجاجی ریلی نکالی۔
پی ٹی آئی اراکین اسمبلی نے پارلیمنٹ سے سپریم کورٹ تک احتجاجی واک کیا، ارکان اسمبلی نے بانی پی ٹی آئی کی رہائی کے لیے نعرے بازی کی۔
سپریم کورٹ پہنچنے کے بعد ریلی واپس پارلیمنٹ ہاؤس پہنچی۔ آج ہی رہائی پانے والی پی ٹی آئی رہنما صنم جاوید بھی پارلیمنٹ ہاؤس پہنچی تھیں۔ پی ٹی آئی ارکان نے عمران خان کی فوری رہائی کا مطالبہ کیا۔
واضح رہے اس سے قبل پی ٹی آئی اور سنی اتحاد کونسل کی مشترکہ پارلیمانی پارٹی کا اجلاس ہوا ، جس کے بعد تحریک انصاف نے سپریم کورٹ میں ایڈہاک ججز لانے کے فیصلے کیخلاف سپریم جوڈیشل کونسل جانے کا اعلان کیا ہے۔
