اطالوی اراکین پارلیمنٹ نے پارلیمان کے اجلاس کے دوران فلسطینی پرچم کے رنگوں والے لباس پہن کر فلسطینیوں سے یکجہتی کا اظہار کیا۔
فائیو اسٹار موومنٹ جماعت کے اراکین نے کہا کہ آج ہم یہ پرچم نہیں لہرا رہے، کیونکہ آپ ہم سے چھین لیں گے۔ آج ہم اس پرچم کو اپنے جسم سے لگا رہے ہیں کیونکہ یہ اب صرف فلسطین کا پرچم نہیں، بلکہ انسانیت کے لیے جدوجہد کرنے والوں کا عالمی پرچم بن چکا ہے۔
یہ اقدام اسرائیلی حملوں کے خلاف عالمی سطح پر بڑھتے ہوئے احتجاج اور فلسطینی عوام سے ہمدردی کے اظہار کے سلسلے کاحصہ ہے۔
دوسری جانب اسرائیلی وزیراعطم نیتن یاہو اور فوجی سربراہ ایال زامیر کے درمیان غزہ میں فوجی کارروائیوں کو مزید بڑھانے کی تجویز پر اختلافات شدت اختیار کر گئے ہیں۔
