پنجاب کے اسکولوں میں گرمیوں کی چھٹیاں ختم ہونے کو ہیں لیکن اسکول 15 اگست کو کھلیں گے یا نہیں حتمی فیصلہ نہ ہو سکا۔
اسکول کھولنے کے بارے میں محکمہ اسکول ایجوکیشن ابھی تک کوئی فیصلہ نہیں کر سکا ہے، محکمہ کے ذرائع کے مطابق موسمی شدت کے باعث چھٹیوں میں 31 اگست تک توسیع کی تجویز زیر غور ہے۔
وزیر تعلیم پنجاب رانا اسکندر حیات نے کہا ہے کہ صوبہ میں موسم گرم کی چھٹیوں کے حوالہ سے مشاورت جاری ہے، اسکولوں میں گرمیوں کی چھٹیوں میں توسیع کرنے یا نہ کرنے کا فیصلہ جلد کرلیا جائے گا۔
واضح رہے کہ پنجاب میں وقفے وقفے سے بارشوں کا سلسلہ جاری ہے، بارش نہ ہونے کی صورت میں موسم شدید گرم اور حبس بہت زیادہ ہوتا ہے، اس تمام صورتحال کو مدنظر رکھتے ہوئے اسکول کھولنے یا نہ کھولنے کا فیصلہ کیا جائے گا۔
