امریکی صدر ڈونلڈ ٹرمپ کا کہنا ہے کہ ایلون مسک ہمیشہ ہمارے ساتھ رہیں گے۔
امریکی صدر ڈونلڈ ٹرمپ کا کہنا ہے کہ ایلون مسک کے ساتھ آج پہلے آفس میں پریس کانفرنس کروں گا اور مسک ہمیشہ ہمارے ساتھ رہیں گے۔
خبر رساں اداروں کے مطابق امریکی وفاقی بیوروکریسی میں بڑے پیمانے پر کٹوتیوں کی کوششوں کی وجہ سے مسک شدید تنقید کی زد میں تھے، ایلون مسک نے واضح کیا تھا کہ بل میں شامل بعض امور سے وہ خوش نہیں تھے۔
واضع رہے وائٹ ہاؤس نے گزشتہ روز تصدیق کی تھی کہ ٹیسلا کے مالک اور امریکا کے محکمہ برائے حکومتی کارکردگی کے سربراہ ایلون مسک نے ٹرمپ انتظامیہ کو خیر باد کہہ دیا ہے۔
