اٹک میں پولیس اہلکار نے فائرنگ کرکے ڈسٹرکٹ بار اٹک کے سابق صدر اسرار احمد اور ایڈووکیٹ ذوالفقار مرزا کو قتل کر دیا۔
پولیس کے مطابق ملزم کو گرفتار کر کے تھانہ اٹک سٹی منتقل کر دیا گیا ہے جبکہ مقتول وکلا کی لاشیں ڈسٹرکٹ ہیڈ کوارٹر اسپتال منتقل کردی گئی ہیں۔
ذرائع کا کہنا ہے کہ ایلیٹ فورس کے اہلکار نے رنجش پر وکیل کے چیمبر میں داخل ہو کر فائرنگ کی ،واقعے کے بعد وکلاکی بڑی تعداد اسپتال پہنچ گئی۔ ڈی پی او اٹک نے جائے وقوعہ کا معائنہ بھی کیا۔
