سرکاری ڈسکوز کے صارفین کیلئے بجلی 63 پیسے فی یونٹ سستی ہونے کا امکان ہے۔
سینٹرل پرچیزنگ پاور ایجنسی نے نیپرا سے قیمت میں کمی کی درخواست کی ہے، نیپرا بجلی کی قیمتوں میں کمی سے متعلق آج سماعت کرے گا۔
سی پی پی اے کی جانب سے درخواست ماہانہ فیول پرائس ایڈجسٹمنٹ کے تحت ماہ نومبر کیلئے جمع کرائی گئی ہے، درخواست میں کہا گیا کہ گزشتہ ماہ 7 ارب 71 کروڑ یونٹ بجلی پیدا ہوئی۔
بجلی کی پیداواری لاگت 55 ارب 76 کروڑ روپے رہی، ایل این جی سے 23 روپے20 پیسے فی یونٹ بجلی پیدا کی گئی،درخواست میں بتایا گیا کہ ایران سے 27 روپے 15 پیسے فی یونٹ میں بجلی درآمد کی گئی۔
درخواست میں نیبپرا کو بتایا گیا کہ کوئلہ سے بجلی کی پیداواری لاگت 14 روپے92 پیسے رہی، نیوکلیئر ذرائع سے ایک روپے 73 پیسے فی یونٹ بجلی پیدا ہوئی، گزشتہ ماہ بجلی کی اوسط پیداواری لاگت 7 روپے 28 پیسے فی یونٹ رہی۔
