بالی ووڈ کی معروف اداکارہ ودیا بالن پاکستان کی اداکارہ ماورا حسین کی اداکاری کی تعریف کئے بغیر نہ رہ سکیں۔
بھارت میں فلم صنم تیری قسم کی ری ریلیز کے بعد ودیا بالن بھی فلم دیکھنے سنیما گھر پہنچیں اور رومانوی فلم کی لچسپ کہانی سے خوب لطف اندوز ہوئیں۔
بھارتی اداکارہ نے ایپ انسٹا گرام پر ایک اسٹوری میں فلم اوراس میں اداکاری کے جوہر دکھانے والی ماورا حسین کی تعریف کرتے ہوئے لکھا کہ ایک سادی لو اسٹوری دیکھ کر بہت مزہ آیا۔
ماورا حسین کو ٹیگ کرکے کہا کہ آپ کمال ہو، ماورا حسین نے بھی ودیا بالن کے تعریفی کلمات کو اپنی انسٹا گرام اسٹوری پر شیئر کرکے شکریہ ادا کیا۔
