چیئرمین پی ٹی آئی بیرسٹر گوہر نے کہا ہے کہ بھارت کے معاملے پر پاک افواج کے ساتھ کھڑے ہیں۔
بیرسٹر گوہر نے جوڈیشل کمپلیکس میں میڈیا سے گفتگو کرتے ہوئے کہا کہ دہشت گردی کی مذمت کرتے ہیں۔
انہوں نے کہا کہ پہلگام واقعہ پر بھارت نے جھوٹے اور بے بنیاد الزام لگائے، پاکستانی قوم کو تقسیم نہیں کیا جا سکتا، انڈیا کے معاملے پر پاک افواج کے ساتھ کھڑے ہیں۔
پاکستان کے دفاع کیلئے پی ٹی آئی ہر جگہ موجود ہوگی، انہوں نے کہاکہ پی ٹی آئی کا موقف ہے کہ سندھ طاس معاہدہ معطل کرنا ہی ایکٹ آف وار ہے، سندھ طاس معاہدہ معطلی پر آل پارٹی کانفرنس بلانی چاہیے تھی۔
