پاکستان اور افغانستان کے درمیان سہ ملکی سیریز کا چوتھا میچ افغانستان کے نام رہا۔
افغانستان نے پہلے بیٹنگ کرتے ہوئے 169 رنز بنائے اور پاکستان کو جیتنے کے لئے 170 رنز کا ٹارگٹ دیا۔
پاکستانی بیٹر خاطر خواہ کارکردگی نہ دکھا سکے، آخر میں حارث رؤف نے 16 گیندوں پر 34 رنز بنائے لیکن ان کی یہ کوشش بھی ناکام رہی۔
پاکستان مقررہ اوورز میں نو وکٹوں کے نقصان پر صرف 151 رنز بنا سکا، یہ افغانستان کی مسلسل دوسری فتح تھی، پوائنٹس ٹیبل پر افغانستان چار پوائنٹس کے ساتھ دوسری پوزیشن پر آ گیا۔
پاکستان بھی دو میچوں میں فتح کے بعد چار پوائنٹس کے ساتھ بہترین رن ریٹ کی بنیاد پر پہلے نمبر پر ہے۔ متحدہ عرب امارات کی ٹیم ابھی تک کوئی میچ نہیں جیت سکی ہے۔
