غزل اور لوک گلوکارہ طاہرہ سید کا سوشل میڈیا پر اپنے انتقال کی خبروں پر ردعمل آ گیا۔
انہوں نے ان خبروں کی سختی سے تردید کی اور کہا کہ وہ مکمل طور پر صحت مند اور خیریت سے ہیں۔
انہوں نے اپنے ویڈیو بیان میں کہا کہ ان کی صحت اور انتقال سے متعلق پھیلائی جانے والی تمام خبریں بے بنیاد اور جھوٹی ہیں۔
ان کا کہنا تھا کہ معلوم ہوا ہے کہ سوشل میڈیا پر ان کی صحت کے حوالے سے غلط معلومات پھیلائی جا رہی ہیں، اللہ کے فضل و کرم سے وہ بالکل ٹھیک ہیں۔
طاہرہ سید نے کہا کہ وہ نیویارک میں اپنی نارمل اور خوشگوار زندگی گزار رہی ہیں۔ اس موقع پر انہوں نے اپنے مداحوں کا شکریہ ادا کیا ، انہوں نے اپیل کی کہ غیر مصدقہ اور جھوٹی خبروں پھیلانے سے گریز کریں۔
