محکمہ تعلیم خیبرپختونخوا کے 37 کروڑ 40 لاکھ روپے مالیت کے ٹیبلٹس غائب ہونے کا انکشاف ہوا ہے۔
آڈٹ رپورٹ کے مطابق اساتذہ کی تربیت کیلئے دیے گئے 13 ہزار 221 ٹیبلٹس ریکور نہیں ہوئے، 15 ہزار میں سے صرف 1 ہزار 779 ٹیبلٹس اساتذہ نے واپس کیے۔
رپورٹ میں مزید انکشاف ہوا ہے کہ ریکور ہونے والے ٹیبلٹس میں بھی 79 خراب نکلے ہیں، بعض ٹیبلٹس کے ہینڈ فری، ایس ڈی کارڈ اور چارجر بھی غائب ہیں۔
غائب کیے گئے ایک ٹیبلٹ کی قیمت 28 ہزار 314 روپے تھی، ریکوری نہ ہونے کی صورت میں ٹریننگ کے لئے دوبارہ ٹیبلٹس خریدنا پڑیں گے۔
آڈیٹر جنرل نے ٹیبلٹس کی ریکوری اور اساتذہ کے خلاف کارروائی کی ہدایت کی ہے، محکمہ تعلیم خیبرپختونخوا نے ٹیبلٹس کے معاملے پر مؤقف دینے سے گریز کیا ہے۔
