اسپین نے فلسطین کو بطور آزاد ریاست تسلیم کرتے ہوئے غزہ میں فوری جنگ بندی کا مطالبہ کردیا۔
ہسپانوی وزیراعظم پیدرو سانچز نے فلسطین کو تسلیم کرنے کا اعلان کرتے ہوئے کہا ہے کہ یہ ایک تاریخ ساز لمحہ ہے۔ امن فلسطینیوں کا بنیادی حق ہے، فلسطینیوں پر ہونے والے مظالم کی دنیامیں مثال نہیں ملتی۔
پیدرو سانچز کا کہنا تھا کہا فلسطینیوں پر ہونے والے مظالم کی دنیا میں مثال نہیں ملتی۔ غزہ کی پٹی اور مغربی کنارے کو آزاد فلسطین ریاست تسلیم کرتے ہیں، مشرقی یروشلم فلسطین ریاست کا دارالحکومت تصور کیا جائے گا۔
ہسپانوی وزیر اعظم نے مطالبہ کیا کہ غزہ میں فوری جنگ بندی، امداد کی فراہمی اور یرغمالیوں کو رہا کیا جائے۔
خیال رہے کہ اسپین کی جانب سے اس اقدام کے بعد اب فلسطین کو تسلیم کرنے والے کُل ممالک کی تعداد 146 ہوگئی ہے۔
اس سے قبل ناروے اور آئرلینڈ بھی فلسطین کو آزاد ریاست تسلیم کرنے کا باقاعدہ اعلان کرچکے ہیں۔
