جنیوا: یورپی وزرائے خارجہ نے ایران سے جوہری مذاکرات کرنے کا فیصلہ کر لیا۔
غیر ملکی خبر رساں ایجنسی کے مطابق یورپی وزرائے خارجہ کا ایران سے جوہری مذاکرات کا آغاز جمعہ کو جنیوا میں ہو گا۔ برطانیہ، فرانس اور جرمنی کے وزرائے خارجہ مذاکرات کریں گے۔
ایرانی وزیر خارجہ عباس عراقچی مذاکرات میں شریک ہوں گے۔ اور مذاکرات کے لیے امریکی رضا مندی بھی شامل ہے۔
دوسری جانب عباس عراقچی نے کہا کہ جارحیت کے خلاف فخر اور بہادری سے اپنا دفاع کریں گے۔ اور دشمن اپنی سنگین غلطی کی قیمت ادا کرے گا۔ ایران کے پاس جوہری ہتھیار نہیں ہیں۔
انہوں نے کہا کہ ایران صرف اپنے دفاع میں کارروائی کر رہا ہے۔ اور سفارت کاری کے لیے پرعزم ہیں۔
عباس عراقچی نے امریکہ اور اسرائیلی کے ان دعوؤں کو بھی مسترد کر دیا جن میں کہا گیا تھا کہ ایران ایٹمی ہتھیاروں کے قریب پہنچ چکا ہے۔ انہوں نے کہا کہ ایران نے کبھی ایٹمی ہتھیار حاصل کرنے کی کوشش نہیں کی۔
