پاکستان سپر لیگ کیلئے نامور غیر ملکی کھلاڑیوں کی جانب سے سائن اپ کرنے کا سلسلہ جاری ہے ، ایک اور غیر ملکی کرکٹر نے رجسٹریشن کروا لی۔
پی سی بی ذرائع کے مطابق پی ایس ایل سیزن 10 کیلئے جنوبی افریقہ کے ریسیی وین ڈیر ڈوسن نے بھی خود کو رجسٹرڈ کروا لیا ہے ، جنوبی افریقی اسٹار نے حال ہی میں پاکستان کیخلاف ٹیسٹ سیریز میں نہایت شاندار کارکردگی دکھائی ہے۔
گزشتہ دنوں انگلینڈ کے فاسٹ بائولر ڈیوڈ ویلی، جارح مزاج اوپنر جیسن رائے کے بعد ڈیوڈ ملان اور سیم کرن نے بھی پی ایس ایل کیلئے غیرملکی ڈرافٹس میں باضابطہ طور پر اپنا نام درج کروایا ہے۔
دیگر ممالک کے سرکردہ کھلاڑیوں میں سکندر رضا، ایلکس کیری، مستفیض الرحمان ،شکیب الحسن اورآسٹریلیا کے عثمان خواجہ کے نام کی تصدیق بھی ہو چکی ہے۔
