کراچی: سندھ حکومت نے امتحانات میں نقل کی روک تھام کیلئے واٹر مارکنگ سسٹم نافذ کرنے کا فیصلہ کیا ہے۔
صوبائی وزیر جامعات اسماعیل راہو کی زیرصدارت امتحانات کی تیاریوں کاجائزہ اجلاس ہوا جس میں وزیرجامعات نے کہا کہ موجودہ حالات کے باوجود امتحانات شیڈول کے مطابق ہوں گے جس کے لیے صوبے بھر میں 1600 سے زائد امتحانی مراکز قائم کیے گئے ہیں۔
انہوں نے کہا کہ کراچی میں انٹر کے امتحانات 25 اپریل اور میٹرک امتحانات 7 اپریل سے شروع ہوں گے جب کہ سکھر ڈویژن میں میٹرک امتحانات 30 مارچ اور انٹر امتحانات 15 اپریل سے شروع ہوں گے۔
وزیرجامعات کا کہنا تھا کہ امتحانات میں نقل کی روک تھام کیلئے واٹرمارکنگ سسٹم نافذ کرنے کا فیصلہ کیا گیا جس سے پیپر آؤٹ کرنے والوں کا فوری پتا لگایا جاسکے گا۔
