سعودی عرب نے سولر پینلز کو گھروں کے آگے لگانے پر پابندی عائد کر دی۔
عرب میڈیا کے مطابق سعودی حکومت کی جانب سے جاری اعلامیے میں شمسی پینلز لگانے سے قبل ان کے لیے مختص کی گئی جگہ کو اہم قرار دیا گیا ہے ۔ سعودی حکام نے شمسی پینلز کو گھروں کے آگے نصب کرنے پر پابندی عائد کی جبکہ پینلز کا سائز چھت سے بڑا نہ ہونے کی بھی ہدایت کی ہے۔
مقامی میڈیا کے مطابق سعودی حکومت کی جانب سے پابندی اس لیے لگائی کہ تیز ہوائوں اور طوفانی بارشوں کے دوران سولر سسٹم کسی گھر پر نہ گر جائے ۔ سعودی وزارت کا کہنا تھا کہ اگر ایک شمسی پینل کی برقی صلاحیت 50 کلو واٹ یا اس سے زائد ہے، تو اس صورت میں سعودی الیکٹرک کمپنی سے منظوری لینا لازم ہو گی۔ اگر شمسی پینل کی برقی صلاحیت 50 کلو واٹس سے کم ہے، تو ایسے میں لائسنس کے اجرا کی ضرورت نہیں ہے۔
