آئی ایم ایف کی ہدایت پر حکومتی اخراجات میں کمی

آئی ایم ایف کی ہدایت پر حکومتی اخراجات میں کمی آئی ہے۔

ذرائع کے مطابق نو مختلف وزیراعظم پروگرامز کیلئے رواں مالی سال کے بجٹ میں 80ارب روپے مختص تھے،نگران حکومت نے وزیراعظم پروگرامز کے بجٹ میں 10 ارب روپے کی کٹوتی کردی تھی۔

رواں مالی سال وزیراعظم پروگرامز پرمحض ایک ارب 44 کروڑ روپے ہی خرچ ہوسکے،بجٹ میں وزیراعظم یوتھ لون پروگرام کیلئے دس ارب روپے مختص کیے گئے تھے۔

وزیراعظم لیپ ٹاپ اسکیم کیلئے 10 ارب، ایجوکیشن فنڈ کیلئے 5 ارب روپے مختص تھے،زرعی ٹیوب ویل کو سولر پر منتقلی کے وزیراعظم کے قومی پروگرام کیلئے 30 ارب روپے مختص تھے۔

ذرائع کا کہنا ہے خواتین کو بااختیار بنانے کیلئے وزیراعظم پروگرام کیلئے 5 ارب روپے مختص تھے،سبزانقلاب، آئی ٹی ا سٹارٹ اپس، اسپورٹس اقدامات کیلئے 5،5ارب روپے مختص تھے۔