نوبیل انعام یافتہ سماجی رہنما ملالہ یوسفزئی نے نئے سال کے آغاز پر جنگ سے متاثرہ علاقوں میں لڑکیوں کی تعلیم کے فروغ کیلئے تین لاکھ ڈالر کی ہنگامی امداد کا اعلان کر دیا ہے۔
ملالہ فنڈ کی جانب سے یہ امداد غزہ، سوڈان اور کانگو میں تعلیمی سہولیات کی بحالی اور لڑکیوں کو تعلیم کے مواقع فراہم کرنے کیلئے استعمال کی جائے گی۔
ملالہ یوسفزئی نے سوشل میڈیا پرجاری اپنے بیان میں کہا کہ تنازعات اورجنگی حالات میں زندگی گزارنے والی لڑکیاں شدید مشکلات کا سامنا کررہی ہیں تاہم تعلیم ان کیلئے امید کی واحد کرن ہے۔
انہوں نے ان لڑکیوں سے مکمل یکجہتی کا اظہارکرتے ہوئے کہا کہ عالمی برادری کوان کے مستقبل کے تحفظ کیلئے فوری اقدامات کرنے ہوں گے۔
ملالہ یوسفزئی نے حکومتوں سے مطالبہ کیا کہ وہ ہرحال میں لڑکیوں کے تعلیم کے حق کا احترام اور تحفظ یقینی بنائیں۔ انہوں نے بین الاقوامی اداروں پر زور دیا کہ وہ جنگی جرائم کے مرتکب عناصر کو عالمی قوانین کا پابند بنائیں۔
