بنوں میں ایف سی کی چیک پوسٹ پر ڈرون حملے کے نتیجے میں ایک اہلکار شہید اور 3 زخمی ہو گئے۔
ڈی پی او بنوں سلیم عباس کے مطابق بکا خیل کے علاقے تختی خیل میں واقع ایف سی کی چیک پوسٹ پر کواڈ کاپٹر ڈرون حملہ کیا گیا، جس میں ایک اہلکار شہید ہو گیا ، زخمی ہونے والے تینوں اہلکاروں کو اسپتال منتقل کر دیا گیا۔
ڈی پی او کا کہنا ہے کہ واقعہ کے بعد فرینٹر کور اور پولیس نے علاقے میں سرچ آپریشن شروع کر دیا گیا ہے۔
خیال رہے بنوں میں حالیہ عرصے میں ہوید اور میریان سمیت کئی پولیس اسٹیشنوں پر کواڈ کاپٹروں سے حملے کئے گئے ہیں ، گزشتہ ہفتے بھی پولیس نے حملہ ناکام بنا کر تین دہشتگردوں کو ہلاک کر دیا تھا۔
