حکومت پنجاب نے سرکاری اسکولوں میں اساتذہ کی کمی پوری کرنے کیلئے بھرتیوں کا فیصلہ کیا ہے۔
صوبائی وزیر تعلیم سکندر حیات نے گرمی کی چھٹیوں میں پنجاب بھر کے سرکاری سکولوں میں 30 ہزار اساتذہ کی بھرتیوں کا اعلان کر دیا۔ وزیر تعلیم نے کہاہے کہ سرکاری سکولوں میں بھرتیاں مرحلہ وار کی جائیں گی۔
انکا کہنا تھا کہ ہم سکولوں کی ضروریات کو مدنظر رکھتے ہوئے بیس سے تیس ہزار استاتذہ کی بھرتیاں کریں گے ۔ہماری کوشش ہو گی کہ بھرتیوں کے عمل کو چھٹیوں کے دوران مکمل کیا جائے ۔
دوسری جانب ہائر ایجوکیشن ڈیپارٹمنٹ خیبر پختون خوا نے صوبے کے تمام کالجز اور یونیورسٹیوں میں موسم گرما کی تعطیلات کا اعلان کردیا ہے۔ اس حوالے سے نوٹی فکیشن جاری کردیا گیا ہے جس کے مطابق صوبے کے تمام میدانی علاقوں میں یہ تعطیلات 15 جون سے 31 اگست تک ہوں گی۔
نوٹی فکیشن میں کہا گیا ہے کہ صوبے کے بالائی سرد اضلاع میں یہ تعطیلات یکم جولائی سے 31 جولائی تک ہوں گی
