وزیر خارجہ اسحق ڈار نے سعودی ہم منصب شہزادہ فیصل بن فرحان سے ٹیلیفونک رابطہ کیا ہے۔
ترجمان دفتر خارجہ کے مطابق دونوں رہنماؤں نے برادرانہ تعلقات کے تمام پہلوؤں کا جائزہ لیا اور تمام شعبوں میں دو طرفہ تعاون کو مزید مضبوط بنانے کے عزم کا اعادہ کیا۔
ترجمان دفتر خارجہ نے مزید بتایا کہ دونوں رہنماؤں نے خطے کی موجودہ صورتِحال پر بھی تبادلہ خیال کیا۔
واضح رہے دو ہفتے قبل بھی پاکستان اور سعودی وزرائے خارجہ کے درمیان رابطہ ہوا تھا جس میں اسحق ڈار نے بھارتی حملے کے بعد پاکستان کے ردعمل سے آگاہ کیا تھا۔
