ڈسٹرکٹ اینڈ سیشن کورٹس اسلام آباد نے 26 نومبر احتجاج سے متعلق مقدمے میں پاکستان تحریک انصاف کے رہنما عمر ایوب کو اشتہاری قرار دیتے ہوئے ان کے دائمی وارنٹ گرفتاری جاری کر دیے۔
جوڈیشل مجسٹریٹ شائستہ کنڈی نے 26 نومبر کو ہونے والے احتجاج کیس کی سماعت کی۔
عدالت نے اپنے فیصلے میں کہا کہ مسلسل طلبی کے باوجود عمر ایوب پیش نہ ہوئے جس پر انہیں اشتہاری قرار دیا جاتا ہے۔ عدالت نے ان کے دائمی وارنٹ گرفتاری بھی جاری کر دیئے۔
یاد رہے کہ عمر ایوب پر تھانہ سیکرٹریٹ میں دفعہ 144 کی خلاف ورزی اور دیگر دفعات کے تحت مقدمہ درج ہے۔
