نمازِ جنازہ میں شرکت کے دوران وفاقی وزیر احسن اقبال کی جیب سے موبائل فون نکال لیا گیا۔
احسن اقبال گزشتتہ روز مسلم لیگ ن کے ایم پی اے رانا افضال حسین کی نماز جنازہ میں شرکت کے لیے پنجاب کے شہر شیخوپورہ پہنچے۔ اس دوران کسی نے اُن کی جیب سے موبائل فون نکال لیا۔
اس حوالے سے پنجاب پولیس کا کہنا ہے کہ وفاقی وزیر احسن اقبال کا موبائل فون ٹریس کرنے کی کوشش کی جارہی ہے۔
خیال رہے کہ گزشتہ روز یہ افسوسناک خبر سامنے آئی تھی کہ مسلم لیگ ن کے رکن پنجاب اسمبلی رانا افضال دل کا دورہ پڑنے سے انتقال کرگئے۔
