تحریک انصاف خیبر پختونخوا میں مزید اختلافات سامنے آ گئے، دو اہم رہنمائوں کو عہدوں سے ہٹا دیا گیا۔
وزیراعلیٰ خیبر پختونخوا علی امین گنڈا پور نے پی ٹی آئی پشاور ریجن کے صدر عاطف خان اور ضلع پشاور کے صدر شیر علی ارباب سے پارٹی عہدے لے لئے ہیں۔
عاطف خان نے برطرف وزیر شکیل خان کے حق میں بیان دیا تھا جبکہ شیر علی ارباب نے وزیراعلیٰ پر اعتماد سے متعلق اقرار نامے پر دستخط کرنے سے انکار کیا تھا۔
عاطف خان کی جگہ ارباب عاصم کو پی ٹی آئی پشاور ریجن کا صدر مقرر کیا گیا ہے جبکہ عرفان سلیم کو پی ٹی آئی ضلع پشاور کا صدر اور شہاب ایڈووکیٹ کو جنرل سیکرٹری مقرر کیا گیا ہے۔
واضح رہے کہ شکیل خان کے حق میں بیان دینے پر علی امین گنڈاپور نے رکن قومی اسمبلی جنید اکبر کو بھی فوکل پرسن برائے اراکین قومی اسمبلی کے عہدے سے ہٹا دیا تھا۔
