پیپلز پارٹی کے چیئرمین بلاول بھٹو نے کہا ہے کہ ہم سیاسی طور پر کسی کو بھی نشانہ بنانے کے حامی نہیں۔
بلاول بھٹو نے کہا کہ پاکستان کو مختلف چیلنجز کا سامنا ہے، پیپلزپارٹی جمہوریت پریقین رکھتی ہے، پاکستان میں جمہوریت مضبوط نہیں ہے، دیگر ممالک کو بھی جمہوریت سے متعلق چیلنج کا سامنا ہے۔
انہوں نے کہا کہ پیپلزپارٹی کا میثاق جمہوریت میں اہم کردار تھا، ہم نے اپنے دور میں اپوزیشن کو مصروف رکھا، انہوں نے کہا کہ پیپلزپارٹی اکثریت میں نہیں نہ ہی وہ فیصلوں کا نفاذ کر سکتی ہے۔
چیئرمین پیپلز پارٹی نے کہا کہ قومی سیاست میں ضرورت پڑنے پر پیپلز پارٹی نے ہی ساتھ دیا ہے، احتساب کے نام پر ماضی میں پیپلزپارٹی کو نشانہ بنایاجاتارہا ہے،عمران خان دورمیں میری پھپھو کوگرفتارکیاگیا اور شہبازشریف اوردیگر سیاسی لوگ گرفتارکئے گئے۔
