لاہور: جے یو آئی (ف) کے سربراہ مولانا فضل الرحمان نے کہا ہے کہ پاکستان کے خلاف جہاں کوئی محاذ ملے گا مودی وہاں کھڑا ہو گا۔
وزیرداخلہ محسن نقوی نے مولانا فضل الرحمان سے ملاقات کی، ملاقات میں باہمی دلچسپی کے امور پر تبادلہ خیال کیا گیا، پاک بھارت کشیدگی اورفلسطین کی صورتحال پر بھی گفتگو کی گئی۔
وزیر داخلہ نے مو لانا فضل الرحمان کو پاکستان کے موقف اور فیصلوں پر اعتماد میں لیا، جے یو آئی ف کے سربراہ کوقومی سلامتی کمیٹی کے فیصلوں سے بھی آگاہ کیاگیا۔
اس موقع پر مولانا فضل ا لرحمان نے کہا کہ مودی مسلمانوں کا دشمن ہے،پاکستا ن کے خلاف جہاں کوئی محاذ ملے گا مودی وہاں کھڑا ہو گا۔
وزیر داخلہ محسن نقوی نے کہا کہ بھارت آگ سے کھیلنے کی کوشش کر رہا ہے،پاکستان کسی بھی مہم جوئی کا پوری قوت سے جواب دے گا۔
