مخصوص نشستوں کے کیس میں سپریم کورٹ کے جسٹس یحییٰ آفریدی کا 26 صفحات پر مشتمل اختلافی نوٹ جاری کر دیا گیا ہے۔
جسٹس یحییٰ کے اختلافی نوٹ میں کہا گیا ہے کہ سنی اتحاد کونسل مخصوص نشستوں کے حصول کے لیے آئین تقاضوں پر پورا نہیں اترتی، سنی اتحاد مخصوص نشستیں لینے کی اہل نہیں اس کی درخواستیں مسترد کی جاتی ہیں۔
اختلافی نوٹ میں کہا گیا ہے کہ تحریکِ انصاف سیاسی جماعت ہے، مخصوص نشستوں کے لیے اہل ہے، الیکشن کمیشن فریقین کو سن کر 7 روز میں فیصلہ کرے۔
جسٹس یحییٰ آفریدی نے کہا کہ الیکشن کمیشن مخصوص نشستوں کے نوٹیفکیشن کا دوبارہ جائزہ لے، 3 جون سے کیس چل رہا تھا، پی ٹی آئی نے 26 جون کو فریق بننے کی درخواست دی۔
