آزاد کشمیر میں عوامی ایکشن کمیٹی کی اپیل پر مہنگائی کیخلاف جاری ہڑتال کے باعث کھانے پینے کے اشیاءکی قلت ہو گئی۔
ہڑتال کے باعث سبزی، فروٹ اور دیگر غذائی اجناس لانے والی گاڑیاں مارکیٹوں تک نہ پہنچنے کے باعث کھانے پینے کے اشیاء کی قلت ہوگئی جبکہ میڈیکل اسٹورز بھی بند ہیں جس کی وجہ سے شہری ادویات کے لیے پریشان ہیں۔
آزاد کشمیر میں موبائل فون سروس اور انٹرنیٹ سروس تاحال بند ہے، موبائل فون اور انٹرنیٹ مزید 2 روز بند کرنےکا فیصلہ کیا گیا ہے، آزاد کشمیر حکومت نے آج بھی تمام تعلیمی ادارے بند رکھنے کا فیصلہ کیا ہے جب کہ ضلعی دفاتر بھی بند رکھے جائیں گے۔
دوسری جانب 11 مئی کو مظاہرین اور پولیس کے درمیان جھڑپوں کے دوران شہید ہونے والے سب انسپکٹر کی تدفین کر دی گئی ہے ، پرتشدد مظاہروں میں پولیس اہلکاروں سمیت 70 سے زائد افراد زخمی ہوئے ہیں۔
