بانی پی ٹی آئی عمران خان کی جیل میں مبینہ سہولت کاری کے الزام میں 3 خواتین سمیت مزید 6 جیل ملازمین کو حراست میں لے لیا گیا۔
ذرائع کے مطابق سکیورٹی اداروں نے مزید 6 جیل ملازمین کو حراست میں لے کر پوچھ گچھ کی ، ملازمین میں ایک سویپر، 2 لیڈی وارڈنز اور سی سی ٹی وی کیمروں کی نگرانی کرنے والے 3 اہلکار شامل ہیں۔
ذرائع کا کہنا ہے کہ ملازمین کے موبائل فون قبضے میں لے لیے گئے، خواتین اسٹاف جیل میں بشریٰ بی بی اور بانی پی ٹی آئی کے درمیان پیغام رسانی کرتا تھا۔
وضح رہے کہ 14 اگست سے اب تک سہولت کاری میں ڈپٹی سپرنٹنڈنٹ، 2 اسسٹنٹ سپرنٹنڈنٹ سمیت 13 افراد تحویل لیے جا چکے ہیں۔
