گلگت بلتستان کو دنیا کے بہترین سیاحتی مقامات میں شامل کر لیا گیا ہے۔
فنانشل ٹائمز نے 2025ء میں دنیا کے پچاس بہترین سیاحتی مقامات کی فہرست جاری کی ہے جس میں پاکستان کے علاقے گلگت بلتستان کو بھی شامل کیا گیا ہے۔
گلگت بلتستان میں خوبصورت جھیلیں اور آبشاریں، بلند و بالا پہاڑ یہاں کے قدرتی حسن میں مزید اضافہ کرتے ہیں۔
برطانیہ کے اخبار فنانشل ٹائمز نے اپنی رپورٹ میں کہا کہ گلگت بلتستان میں دنیا کے سب سے شاندار پہاڑی مناظر موجود ہیں،سیاحوں کی بڑی تعداد بہتر سکیورٹی، آسان رسائی اور بہتر رہائشی سہولیات کی بدولت یہاں کا رخ کرتی ہے۔
فنانشل ٹائمزنے کہا کہ پاکستان نے اگست 2024 میں 120 سے زائد ممالک کے شہریوں کو آن لائن ویزا کی سہولت دی، اس طرح پاکستان کے اس خوبصورت علاقے کو بہترین سیاحتی مقامات میں شامل کر لیا گیا ہے۔
