فرنٹیئر کور خیبرپختونخوا نارتھ نے حیات آباد کے سنگم پر ایف سی ٹیچنگ اسپتال تعمیر کر کے فعال کر دیا گیا۔
ایف سی خیبرپختونخوا نارتھ نے پشاور کے علاقے حیات آباد کے سنگم پرفرنٹیئر کور ٹیچنگ اسپتال تعمیر کر کے فعال کر دیا،500بستروں پر مشتمل اسپتال میں تمام بیماریوں کے علاج کے لئے سہولیات موجود ہیں اور 24گھنٹے ڈاکٹرز اور نرسنگ اسٹاف مریضوں کے علاج کیلئے دستیاب ہیں۔
فرنٹیئر کور ٹیچنگ اسپتال خیبرپختونخوا میں ہاسپٹل مینجمنٹ اینڈ انفارمیشن سسٹم، ایمرجنسی، 20کلینکس پر مشتمل او پی ڈی، آنکھ، ناک، کان اور گلے کا علاج، دل کے امراض کے لئے خصوصی وارڈز، بحالی اور فزیو ڈیپارٹمنٹ اور دانتوں کے علاج کی سہولت موجود ہے۔
اس کے علاوہ ایمرجنسی کلینکس،پانچ بڑے اورچھوٹے آپریشن تھیٹر،ایکسرے، الٹرا ساؤنڈ، سی ٹی اسکین، پیتھالوجی ڈیپارٹمنٹ، بلڈ بینک، 14 کاونٹرز پر مشتمل فارمیسی، 5 کمروں پر مشتمل گائنی کمپلیکس، گائنی آپریشن تھیٹر، شیرخوار بچوں کی دیکھ بال، مردوں اور خواتین کے لئے الگ دس سپیشل وارڈز، آئی سی یو، ای سی جی اور مریضوں کے لئے وارڈز کے ساتھ ساتھ 28 سپیشل کمرے بھی بنائے گئے ہیں۔
اسپتال میں خواتین مریضوں کے علاج کے لئے فرنٹیئر کور نارتھ کی خواتین ڈاکٹرز اور نرسنگ سٹاف 24گھنٹے دستیاب ہیں۔ اسپتال میں بلاتعطل بجلی کی فراہمی کے لئے جنریٹرز بھی نصب کئے گئے ہیں۔فرنٹیئر کورٹیچنگ ہسپتال فرنٹیئر کور خیبرپختونخواہ نارتھ کی جانب سے عوام کو صحت کی سہولیات کی فراہمی کے حوالے سے اہم سنگ میل ہے۔
