انگلینڈ کرکٹ ٹیم کے مایہ ناز بلے باز جو روٹ نے پاکستان کے سابق لیجنڈری کرکٹر جاوید میانداد کا 31 سال پرانا ریکارڈ توڑ کر ٹیسٹ کرکٹ میں نئی تاریخ رقم کردی۔
جو روٹ نے نیوزی لینڈ کے خلاف سب سے زیادہ ٹیسٹ رنز بنانے کا جاوید میانداد کا ریکارڈ توڑ دیا۔ انہوں نے یہ کارنامہ منگل کو نیوزی لینڈ کے خلاف تیسرے ٹیسٹ کے چوتھے روز انجام دیا۔
روٹ نے کیویز کے خلاف دوسری اننگز میں 54 رنز کی اننگز کھیلی، جس کے بعد ٹیسٹ کرکٹ میں نیوزی لینڈ کیخلاف سب سے زیادہ رنز بنانے والے کھلاڑی بن گئے۔
جو روٹ نے نیوزی لینڈ کیخلاف 40 اننگز میں 1925 رنز بنائے ہیں، اس سے قبل نیوزی لینڈ کیخلاف ٹیسٹ کرکٹ میں سب سے زیادہ رنز بنانے کا ریکارڈ جاوید میانداد کے پاس تھا جنہوں نے 29 ٹیسٹ اننگز میں 1919 رنز بنائے تھے۔
