انٹر بینک میں کاروبار کے آغاز پر روپے کے مقابلے میں امریکی ڈالر میں 12 پیسے کی کمی ریکارڈ کی گئی ہے۔
ایکسچینج کمپنیز ایسوسی ایشن کے مطابق 12 پیسے کی کمی کے بعد انٹر بینک میں ڈالر کی قیمت 280 روپے 10 پیسے پر آ گئی ہے۔
گزشتہ روز کاروبار کے اختتام پر انٹر بینک میں ڈالر کا ریٹ 280 روپے 22 پیسے پر بند ہوا تھا۔
واضح رہے گزشتہ کئی ہفتوں سے ڈالر کی قیمت میں اتار چڑھائو کا سلسلہ جاری ہے ، کاروبار کے آغاز پر ڈالر کی قیمت میں کمی ریکارڈ کی جاتی ہے جبکہ بیشتر اوقات کاروبار کے اختتام پر ریٹ بڑھ جاتا ہے ، اسی وجہ سے ڈالر کی قیمت بدستور 280 روپے سے اوپر جا رہی ہے۔
