وزیر توانائی اویس لغاری نے کہا ہے کہ حکومت کی بجلی کی قیمتوں میں پائیدار بنیاد پر کمی کی کوشش جاری ہے۔
اویش لغاری نے اپنے بیان میں کہا کہ جلد بجلی کی قیمتوں میں کمی ہوگی، ایک سال میں صنعتی شعبے کا ٹیرف 30 فیصد کم کیا گیا ہے، حکومت نے صارفین کو ریلیف فراہم کرنے کی کوشش کی ہے۔
انہوں نے کہا کہ ہم نے بجلی کی قیمتو ں میں کمی کیلئے متعدد اقدامات کیے، اور ہم نے بجلی کی قیمتوں میں کمی کیلئے آئی پی پیز سے معاہدوں کو دوبارہ دیکھا ہے۔
وزیر نوانائی نے مزید کہا کہ پاکستان میں سولر پینلز کے استعمال میں اضافہ ہو رہا ہے، متبادل ذرائع توانائی کا انقلاب آ چکا ہے، دوتین سال سے بجلی کی طلب میں کمی واقع ہوئی ہے، گزشتہ ایک سال سے پاور سیکٹر میں اہم اصلاحات کی ہیں۔
