امریکی حکومت نے چینی طلبا کے ویزے منسوخ کرنے کا اعلان کر دیا۔
امریکی وزیر خارجہ مارکو روبیو کا کہنا ہے کہ چینی کمیونسٹ پارٹی سے وابستہ طلبہ کے ویزے منسوخ کیے جائیں گے۔ یہ اقدام قومی سلامتی کے پیش نظر اٹھایا جا رہا ہے۔
مارکو روبیو کا کہنا تھا کہ چینی طلبا کے لیے ویزے کے معیار میں بھی ترمیم کریں گے ، امریکا آنے والے چینی اور ہانگ کانگ کے شہریوں کی ویزا درخواستوں کی اب سخت جانچ پڑتال کی جائے گی۔
خیال رہے کہ گزشتہ روز ٹرمپ انتظامیہ نے تمام سفارتخانوں کو حکم دیا تھا کہ وہ طلبہ کے ویزوں کے لیے اپائنٹمنٹ کا شیڈول بند کر دیں تاکہ درخواست دہندگان کی سوشل میڈیا پروفائلز کو مزید تفصیل سے جانچا جا سکے۔
