وفاقی حکومت نے حساس اور خفیہ معلومات کی غیر مجاز تشہیر کرنے والوں کے خلاف کارروائی کا فیصلہ کیا ہے۔
وزیر دفاع خواجہ آصف نے ایک بیان میں کہا ہے کہ وفاقی حکومت نے بالخصوص سوشل میڈیا پر حساس اور خفیہ معلومات کی تشہیر کا نوٹس لیا ، خفیہ معلومات ظاہر کرنے یا پھیلانے میں ملوث افراد کے خلاف آفیشل سیکرٹ ایکٹ 2023ء کے تحت مقدمات درج ہوں گے۔
انہوں نے کہا کہ بالواسطہ یا بلاواسطہ ملوث پائے جانے والے افراد کے خلاف مقدمہ درج ہو گا۔ اس جرم کی سزا دو سال قید اور جرمانے کی صورت میں بھگتنا ہو گی۔
خواجہ آصف نے کہا کہ حساس معلومات کا پھیلاؤ اسٹریٹجک اور اقتصادی مفادات کو زک پہنچا سکتا ہے ، یہ برادر ممالک کے ساتھ تعلقات بھی متاثر کرسکتا ہے۔
