سابق آسٹریلوی کرکٹر ڈیمین مارٹن کو اسپتال سے ڈسچارج کر دیا گیا ہے۔
غیر ملکی میڈیا کے مطابق 54 سالہ مارٹن برسبین میں دو ہفتوں تک زیرِ علاج رہے، جہاں کرسمس کے دن ان کی حالت گردن توڑ بخار کی وجہ سے شدید تشویشناک ہو گئی تھی۔
بعد ازاں وہ کوما میں چلے گئے تھے اور آئی سی یو میں رہائش پذیر تھے۔
ڈیمین مارٹن کے قریبی دوست اور سابق کرکٹر ایڈم گلکرسٹ نے بتایا ہے کہ مارٹن کو اسپتال سے ریلیز کر دیا گیا ہے، تاہم ان کی مکمل صحت یابی کا عمل ابھی طویل ہے۔
ایڈم گلکرسٹ کے مطابق ڈیمین مارٹن اب گھر واپس آ چکے ہیں اور ان کے خاندان نے میڈیکل اسٹاف اور تمام متعلقہ افراد کا تہہ دل سے شکریہ ادا کیا ہے۔
