آسٹریلیا میں پولیس نے امریکی پاپ گلوکارہ کیٹی پیری کے خلاف جنسی زیادتی کے الزامات کی تحقیقات شروع کر دی ہیں۔
پولیس کا کہنا ہے کہ یہ معاملہ 2010 کے ایک واقعے سے جڑے پرانے الزامات کے دوبارہ زیرِ بحث آنے کے بعد سامنے آیا ہے، جس پر دونوں شخصیات اپنی اپنی مؤقف پر قائم ہیں۔
آسٹریلیا کے ایک نائٹ کلب ’’اسپائس مارکیٹ‘‘ کے سابق منیجر نے اس رات سے متعلق اپنی یادداشتیں شیئر کرتے ہوئے بتایا ہے کہ روبی روز اور کیٹی پیری ایک چھوٹے گروپ کے ساتھ کلب میں آئی تھیں اور زیادہ تر وقت وی آئی پی ایریا میں گزارا۔
انہوں نے مزید کہا کہ اس رات کلب خاصا مصروف تھا اور کیٹی پیری کو کلب میں موجود افراد سے گفتگو کرتے اور گھومتے پھرتے دیکھا گیا۔ ان کے مطابق دونوں نے مشروبات بھی لیے، تاہم وہ کسی حد تک حد سے زیادہ نشے میں نظر نہیں آ رہی تھیں۔ بعد ازاں دونوں کو اسٹاف کی جانب سے منگوائی گئی گاڑی میں روانہ ہوتے دیکھا گیا۔
