وزیراعظم نے ضم اضلاع کے ترقیاتی پروگرام کیلئے 11 رکنی اسٹیئرنگ کمیٹی قائم کر دی۔ مشیر برائے سیاسی امور رانا ثناءاللہ کو کمیٹی کا چیئرمین مقرر کر دیا گیا۔
اعلامیے کے مطابق کمیٹی بجٹ اور پی ایس ڈی پی سے متعلق اقدامات اور اصلاحات پراتفاق رائے پیدا کرے گی، اس کے علاوہ ضم اضلاع کے لیے وزیراعظم خصوصی پروگرام پر عمل درآمد کو یقینی بنائے گی۔
وزیراعلیٰ خیبرپختونخوا علی امین گنڈاپور ، وزیرقانون آفتاب عالم ،چیف سیکرٹری خیبر پختونخوا اور ایڈیشنل چیف سیکرٹری پلاننگ کمیٹی کا حصہ ہوں گے۔
علاوہ ازیں وزیر برائے کشمیر امور امیر مقام، مرتضٰی جاوید عباسی ، ایم این اے محمد یوسف زمان، سابق ایم پی اے اختیار ولی بھی کمیٹی کے رکن ہونگے۔
